Зеленский ва Капус, аз ҷумла кори рӯзноманигорон дар Украинаро дар шароити ҳамлаи Русия ба он кишвар баррасӣ кардаанд.
Президенти Украина ба кори расонаҳои байналмилалӣ, бахусус Радиои Аврупои Озод/Радиои Озодӣ баҳои баланд дода, гуфтааст, он дар бораи ҷиноятҳои ҷангии эҳтимолии Русия ва ҳаводиси Украина хабар дода, дуруғпароканиҳоро рад ва таваҷҷуҳи ҷомеаро ба вазъи кишвараш ҷалб месозад.
Капус ва Зеленский ҳамчунин талошҳо барои озодсозии рӯзноманигори бахши украинии Радиои Озодӣ Владислав Есипенкоро, ки қариб се сол мешавад, бо иттиҳоми ба гуфтаи масъулони радио ва Украина, сохта аз озодӣ маҳрум аст, баррасӣ кардаанд.
Есипенко бо бахши украинии Радиои Озодӣ ҳамкорӣ ва дар тарҳи радио бо номи "Қрим. Воқеият" кор мекард. Ӯ шаҳрвандии Русия ва Украинаро дорад. Рӯзи 16 март дар Шуъбаи робита бо ҷомеаи Хадамоти федеролии амнияти Русия ё ФСБ гуфтанд, ки Есипенко 10 марти соли барои ҷамъоварии иттилоъ ба "нафъи хадамоти махсуси Украина" дастгир шудааст.