Куәгерлердің айтуынша, базар жұмысшылары екі қолын желкесіне қапсырып, еденде жатуға мәжбүр болған. Құжаттары дұрыстар босатылған, бірнеше еңбек мигрантын автозакқа отырғызып, алып кеткен.
Baza телеграм-арнасының хабарлауынша, базардағы рейд іздеуде жүрген немесе қылмыс жасады деп күдікке іліккен азаматтарды табу мақсатында ұйымдастырылған.
Ресейде «Крокус Сити Холл» концерт залына жасалған шабуылдан кейін еңбек мигранттарын тексеру жиілеп кетті.
Азаттықтың Тәжік қызметіне жолданған бір видеода еңбек мигранттарының бірі «тәжік жігіттерінің бәрін ұстап әкетті» деген.
Ресейде кейінгі бірнеше айда еңбек мигранттарына қысым күшейді. Жақында мемлекеттік дума көші-қон саласына бақылауды қатайтуды көздейтін заң жобасын бірінші оқылымда қабылдады.