Окуя 22-июлда эртең менен өлкөнүн түштүк аймагындагы Даруваре шаарында болду. Кол салууга шектүү киши кармалды. Каза болгондор арасында анын апасы бар экенин жергиликтүү полиция маалымдады.

Кол салган киши мекеменин ичине тапанча менен кирип барып, апасына жана башка адамдарга, кызматкерлерге ок чыгарган. Беш киши ошол жерден, алтынчысы ооруканадан көз жумду. Каза тапкандардын орточо курагы 90 жаш экенин Хорватиянын премьер-министри Андрей Пленковичке таянып Večernji list гезити жазды.

Каза тапкандар мындан да көп болушу ыктымал экени, анткени бир нече киши азыр ооруканада жатканы, экөөнүн абалын дарыгерлер өтө оор деп баалап жатышканы маалымдалды.