Делон барои ягон тои ин силоҳҳо ҳуҷҷат надоштааст. Ӯ ҳатто барои нигаҳ доштани силоҳ ҳам иҷозатнома нагирифтааст.
Дар яке аз хонаҳои ӯ, дар наздикии шаҳри Порис беш аз 3 ҳазор дона тир ва майдони шахсии тирпаронӣ пайдо кардаанд.
Манзили зисти ҳунарпешаи фаронсавиро баъди он кофтукоб карданд, ки як мансабдор гуфтааст, дар хонаи Делон тапончаеро дидааст. Ҳамаи силоҳҳо мусодира шудаанд.
Ален Делон 88 сол дорад. Вай тақрибан дар 100 филм нақш офаридааст. Ӯ соли 2019 сактаи мағзӣ шуд ва то ба ҳол саломатияш пурра барқарор нашудааст. Ҳунарманд бори охир соли 2021 дар маросими дафни яке аз дӯстонаш дар мазҳари ом зоҳир шуда буд.