АҚШ мемлекеттік хатшысы Энтони Блинкен "Америка дауысы" радиосына берген сұқбатында Украина үшін әуеден қорғаныс жүйелеріне байланысты жақсы жаңалық болатынын айтты.
Reuters агенттігі америкалық шенеуніктердің біріне сілтеме жасап, көмектің жаңа пакеті туралы НАТО-ның алдағы аптада өтетін саммитінде айтылатынын хабарлады.
Ллойд Остин мен Рустем Умеровтің Вашингтондағы негізгі тақырып – Украина мен АҚШ арасындағы әскери әріптестікті нығайту болғаны айтылды.
Маусым ортасында АҚШ президенті Джо Байден мен Украина лидері Владимир Зеленский Италияда өткен "Үлкен жетілік" саммиті аясында кездесіп, қауіпсіздік саласында ынтымақтастық және Украинаны ұзақ мерзімге қолдау жөнінде келісімге қол қойған.
10 жылдық мерзімге есептелген келісімге сәйкес, АҚШ украин әскерлерін оқуды жалғастырып, елдің әскери және өнеркәсіп саласындағы ынтымақтастықты нығайтып, барлау ақпаратымен алмасуды кеңейтеді.