Козак Казакстанда былтыр март айында кармалган. Орус бийлиги ага "Терроризмди актоо" беренеси менен айып таккан. Буга Козактын 2018-жылы ФСБнын Архангельск облустук башкармалыгынын имаратында өзүн жардырып жиберген студент Михаил Жлобицкий тууралуу интернетке комментарий жазганы себеп болгон.
"Ковчег" уюмунан белгилешкендей, Козактын учуру "өтө оор болду", анткени "террористтик беренелер менен айып тагылгандыктан, башка өлкөлөргө кылмыш иши саясий негиздер менен козголгонун түшүндүрүү кыйла кыйынчылык жараткан".
Бирок уюм активистке гуманитардык виза жана Европа өлкөлөрүнүн бири аркылуу өтүүгө уруксат берген убактылуу документ алууга мүмкүн болгонун маалымдады.