Топтың инстаграмдағы парағында фестивальге "ұйымдастырушылардың кәсібилігіне еш қатысы жоқ себептермен" қатыспайтыны жазылған. Осының алдында әлеуметтік желі қолданушылар ұжымды ресейлік компания ұйымдастыратын шараға қатысқалы жатқаны үшін сынаған.
Placebo Грузияға да бармайтын болды. Концерт 12 қыркүйекте Тбилисиде өтуі тиіс еді.
"Біз Қазақстан мен Грузиядағы жанкүйерлерімізден кешірім сұраймыз. Осы елдерге болашақта барамыз деп үміттенеміз" деп мәлімдеді Брайан Молко мен Стефан Олсдал.
Park Live шарасын ұйымдастырушылардың хабарлауынша, фестивальдің басты хедлайнері The Kooks ағылшын рок тобы болады.
Park Live ән фестивалі 2013-2019 жылдар аралығында Мәскеуде өткен. Кезінде оған Gorillaz, Massive Attack, Red Hot Chili Peppers, The Killers және басқа да ұжымдар қатысқан. 2024 жылы Park Live ұйымдастырушылары фестиваль бес жылға созылған үзілістен соң қайта оралатынын, ол Алматыда 6-8 қыркүйекте өтетінін жариялаған.