Жағдаймен жақсы таныс түркімен белсендісінің айтуынша, оларға түрік визасын бермеуге түркімен билігі ықпал еткен. Ұлын жоғалтқан ата-ана не істерін білмей отыр.
1989 жылы туған Дидар Бабаев Түркияда із-түссіз жоғалған. Ол Түркияға 2019 жылы кетке, ал 2021 жылдан бері одан хабар болмаған.
Олар 20 сәуірде видеоүндеу жариялап, отандастарынан көмек сұрады. Алайда ол видео екі күннен кейін өшірілді. Сол күні Бабаевтар отбасына полиция қызметкерлері келіп, видеоны әлеуметтік желілерден алып тастауды талап еткен.
Әлемдегі ең жабық елдердің бірі саналатын Түркіменстанда билік азаматтардың тұрмыстағы қиыншылықтар туралы ашық айтқанын қаламайды. Әлеуметтік желілер арқылы көмек сұраған азаматтар қудалауға ұшырайды.