Натаняҳу аз Амрико даъват кард, ки барои истодагарӣ дар баробари таҳдидҳои Эрон эътилофи навӣ низомии муштарак ташкил карда шавад.
Ӯ ҳамчунин хост, ба раванди интиқоли кумакҳои низомии амрикоӣ ба Исроил суръат бахшида шавад, то гуруҳи "Ҳамос"-ро дар навори Ғазза зудтар шикаст диҳанд. "Ҳамос" дар ИМА ва Иттиҳоди Аврупо "созмони террористӣ" эълом шудааст.
Сарвазири Исроил суханронияшро бо тасвири ҳамлаи гуруҳи "Ҳамос" ба ин кишвар дар рӯзи 7 октябри соли гузашта оғоз кард. Дар толор Ноа Аргамани, гаравгони озод кардаи "Ҳамос" ва наздикони асирони дигар ҳузур доштанд.
Натаняҳу ҷанги Исроил бо "Ҳамос"-ро "муборизаи тамаддун бо ваҳшоният" номида, гуфт, имрӯз терроризм ба Исроил, ИМА ва ҷаҳони араб таҳдид мекунад.