Ба гуфтаи манбаи "Рёнхап", низомиёни Куриёи Ҷанубӣ ҳанӯз дар охирҳои соли гузашта мушоҳида карда буданд, ки Куриёи Шимолӣ роҳеро дар 85-километрии шаҳри Сеул, дар минтақаи ғаёринизомӣ дар миёни ду кишвар минагузорӣ мекунанд.
Низомиёни Куриёи Шимолӣ моҳи январи имсол дар ду роҳи дигар низ дида шудаанд. Намояндагони Куриёи Ҷанубӣ моҳи март муайян карданд, ки Куриёи Шимолӣ даҳҳо чароғи роҳро кандаанд.
Роҳи байни ду куриё соли 2018 бар асоси созишномаи низомие сохта шудааст.
Президенти Куриёи Шимолӣ Ким Чен Ин аввали соли равон гуфта буд, ки аз идеяи ба ҳам пайвастани ду куриё бояд даст кашид ва Сеулро душмани кишвараш эълом кард. Ба гуфтаи ӯ, Куриёи Ҷанубӣ наздик ба 80 сол мешавад, ки барои сарнагун сохтани низом ва ҳукумати кишвараш сиёсатҳоеро пеш мебарад.