"Ба гуфтаи ҳамватанон, дар маросими ҳаҷ 18 туркманистонӣ ҷон бохтааст. Онҳо бар асари гармии беш аз 50-дараҷаӣ дар шаҳрҳои Маккаву Мадина фавтидаанд", - гуфтааст яке аз манбаъҳо.
Ба гуфтаи хабарнигори радио, бештари зоирони туркманистонӣ имсол аз ҳисоби худ ба ҳаҷ рафтаанд.
Мақомоти Туркманистон ҳамасола теъдоди муайяни шаҳрвандонро аз ҳисоби пули буҷа ба зиёрати Хонаи Худо мефиристанд.
Ширкати ҳавопаймоии "Туркменховаёллары" вазифадор шуда буд, ки дар мавсими ҳаҷ 289 туркманистониро ба Арабистони Саудӣ интиқол дода, сипас баргардонад.
Дар мавсими ҳаҷҷи фарзии соли равон дар Арабистони Саудӣ беш аз ҳазор кас ҷон бохт. Имсол беш аз 1,8 миллион мусулмон аз гӯшаҳои ҷаҳон барои адои маросими ҳаҷҷи фарзӣ ба Арабистони Саудӣ рафта буданд.