Reuters агенттігінің хабарлауынша, содырлар БҰҰ қарарында айтылған ұсыныстарды талқылауға дайын. АҚШ мемлекеттік хатшысы Энтони Блинкен мұндай мәліметті «жақсылықтың нышаны» деп есептейді.
Катар және Египет те ХАМАС-тан бейбіт ұсынысты талқылауға әзір екені туралы жауап алған.
Газа секторын соғыстан кейін қалпына келтіру жоспарын талқылау тағы бірнеше күнге созылады, деп мәлімдеді Блинкен. Ол Тель-Авивте Израиль жетекшілерімен келіссөз жүргізіп жүр. Сейсенбі күні Блинкен Израильдің ресми өкілдерімен жүздескен.