Каналҳои расмии "Вагнер" дар паёмакрасони Телеграм дар давоми як моҳи ахир дар бораи оғози қабули зархаридон даҳҳо эълон нашр кардаанд
Нашрияи "Вёрстка" дар якҷоягӣ бо тарҳи "Nordsint" муайян карданд, ки "Вагнер" ҳоло барои иштирок дар амалиётҳои Малӣ дар ғарби Африқо зархарид меҷӯяд.
Саҳифаҳои марбут ба "Вагнер" миёнаҳои моҳи феврал хабар доданд, полковник Ассимӣ Гоита, ки қудратро дар Малӣ дар даст дорад, қарордоди ҳамкорӣ бо ширкатро тамдид кардааст.
Ширкати "Вагнер" қабули зархаридон барои интиқол ба Африқоро моҳи марти соли гузашта қатъ карда буд. Ин тасмими ба далели ташкили гуруҳҳои зархаридон барои иштирок дар ҷанги Украина гирифта шуда буд.
Евгений Пригожин, мудири пешини ширкати муздурии “Вагнер”, рӯзи 23-юми августи соли гузашта ҳангоми афтодани ҳавопаймо дар роҳ ба Санкт-Петербург ба ҳалокат расид.
Ошӯби Пригожин ба зидди фармондеҳони баландрутбаи Русия ду моҳ пеш аз ҳодиса шубҳаву гумонҳоро дар атрофи марги ӯ бештар кард. Бисёре аз таҳлилгарони ғарбӣ ба даст доштани ҳукумати Русия дар марги Пригожин ишора мекунанд.