Бино ба хабарҳо, дар ҳоли ҳозир убури мошинҳо тавассути ин гузаргоҳ қатъ шудааст.
Ба иттилои артиши Исроил, шаби гузашта дар натиҷаи амалиёти заминӣ 20 низомии гуруҳи "Ҳамос", ки дар ИМА ва Иттиҳоди Аврупо террористӣ эълом гаштааст", кушта шуданд.
Ҳамчунин ду нақб ошкор ва як мошин бо маводи тарканда маҳв карда шудааст.
Девони низомии Исроил ахиран қарор кард, ки амалиёти низомӣ дар Рафаҳ идома ёбад. Ҷониби Исроил гуфт, фишор ба "Ҳамос"-ро бо мақсади раҳоии ҳамаи гаравгонҳо идома медиҳад.
Рафаҳ дар ҷануби Ғазза ва дар сарҳад бо Миср воқеъ аст. Ҷое, ки беш аз як миллион фаластинии овора паноҳ ёфта буданд.