Министрлік мәліметінше, сапар барысында екі мемлекет арасындағы әріптестік туралы құжаттар қабылданады.
Бүгін "Кохи Борбад" кешенінде Қазақстанның мәдени күндері басталады. Қазақстандық әртістер екі күн бойы Бохтар мен Худжандта өнер көрсетеді.
Тоқаевтың Душанбеге баруына байланысты астанада көлік қозғалысы уақытша шектеледі.
Қазақстан Тәжікстаның маңызды сауда әріптестерінің бірі. Ресми мәлімет бойынша, 2023 жылы екі ел арасындағы сауда айналымы 1 млрд доллардан асты. Тараптар осы көрсеткішті 2 млрд долларға дейін жеткізгісі келеді.
Қасым-Жомарт Тоқаевтың Душанбеге осыған дейінгі сапары 2023 жылғы қыркүйекте өткен. Тәжікстан мен Қазақстан 1993 жылы дипломатиялық қарым-қатынас орнатқан. Қазақстанға Тәжікстанның еңбек мигранттары жиі келеді.