Президент матбуот хизмати хабарига кўра, ташриф доирасида олий даражадаги музокаралар ва икки давлат раҳбарлари бошчилигида Олий давлатлараро кенгашнинг биринчи йиғилиши ўтказилиши режалаштирилган.
Саммитда Ўзбекистон ва Озарбайжон ўртасидаги стратегик шерикликни чуқурлаштириш ва кўп қиррали ҳамкорликни кенгайтириш масалалари муҳокама қилинади.
Асосий эътибор ўзаро товар айирбошлаш ҳажмини ошириш, янги кооперация лойиҳаларини яратиш, ишбилармонлик алоқаларини, жумладан, ҳудудлараро алмашинувни ривожлантириш, транспорт-коммуникация салоҳиятини очиш, маданий-гуманитар алоқаларни фаоллаштириш ва бошқа муҳим йўналишларга қаратилади.
Президентлар икки мамлакат бизнеси вакиллари билан учрашув ўтказиши, қатор ишбилармонлик ва маданий тадбирларда иштирок этиши ҳам кўзда тутилган.