Бир ярим йил ичида Тожикистонга 8,5 мингдан ортиқ электромобиль олиб келинган

Расмий маълумотларга кўра, 2023 йилда 3 минг 316 та, 2024 йилнинг биринчи ярмида эса 5 минг 266 та электромобиль импорт қилинган.

Тожикистонда 2022 йилда электромобиллар импорти солиқлар ва божхона йиғимларидан озод қилинганди.

Душанбе ҳокими, шунингдек, 2025 йил сентябрига қадар пойтахтдаги барча таксилар "яшил" бўлишини айтмоқда.

Тожикистонга асосан Хитойда ишлаб чиқарилган электромобиллар олиб келинмоқда ва тадбиркорларнинг сўзларига кўра, уларнинг нархи ўтган йилга нисбатан бироз пасайган. Бироқ, мамлакатда қувватловчи станциялар камлик қилмоқда.