Вай рӯзи сешанбе дар паёме дар шабакаи “Х” (Твиттер) Тим Волзро “волӣ, мураббӣ, муаллим ва собиқадор” номид, ки барои хонаводаҳои коргаре мисли худаш солҳо хидмат кардааст.
Волзи 60-сола, муаллими собиқ, солҳо дар Горди миллии артиши Амрико буд. Дар соли 2018 волии Миннесота интихоб шуд. Бо барномаҳояш дар мавриди тағйирёбии иқлим ва ҳуқуқи занон машҳур аст.
Камала Ҳаррис, ки пас аз канорагирии Ҷо Байден, ба номзади Ҳизби демократ дар интихобот табдил шуд, бояд бо Доналд Трамп, номзади Ҳизби ҷумҳурихоҳ ва президенти пешини Амрико рақобат кунад.
Ӯ соли 1964 дар хонаводаи муҳоҷирон аз Ҳинд ва Ямайка ба дунё омада, ҳуқуқшиносӣ хондааст.
Интихоботи президентӣ дар Амрико 5-уми ноябри имсол баргузор хоҳад шуд.