Ин оморро хабаргузории Франс-Пресс (AFP) нашр кардааст. Сабаби марги бештари зоирон гармии беш аз 50-дараҷаӣ гуфта шудааст.
Як дипломати арабӣ дар суҳбат бо "AFP" гуфтааст, дасти кам 600 зоири мисрӣ фавтидааст. Дар миёни фавтидаҳо шаҳрвандони Тунис, Урдун, Эрон, Сенегал, Индонезия ва кишварҳои дигар ҳам ҳастанд. Ҳудуди 2700 зоир ба беморхона интиқол дода шудааст.
Вазорати тандурустии Арабистони Саудӣ ба зоирон тавсия додааст, ки дар рӯзҳои мавсими ҳаҷ зери офтоб наистанд ва бештар об нӯшанд. Аммо зоирон ҳангоми тавофи хонаи Каъба ва баромадан ба куҳи Арафот маҷбур ҳастанд, ки зери офтоб бошанд.
Имсол беш аз 1,8 миллион мусулмон аз гӯшаҳои ҷаҳон барои адои маросими ҳаҷҷи фарзӣ вориди Арабистони Саудӣ шудаанд.
Маросими имсолаи ҳаҷ рӯзи 14-уми июн оғоз шуд. Тақрибан 7 ҳазор нафар аз Тоҷикистон барои адои ҳаҷҷи фарзӣ иҷозат доранд.