Облустук ички иштер башкармалыгынан билдиришкендей, окуя 28-майга караган түнү болгон. Саат 01:20 чамасында дүкөндүн сатуучусу КамАЗдын ээсинин үстүнөн ички иштер органдарына арыз менен кайрылган.
Текшерүү учурунда 26 жаштагы жаран мас абалында жүк ташуучу унаа менен дүкөнгө келип, таанышы менен урушуп, бир сапар бетке чапканы аныкталган.
Ачууланган жаран КамАЗга отуруп, дүкөндө токтоп турган таанышынын унаасын сүзүп, дүкөндүн витринасын да талкалап салган.
Социалдык тармактардагы видеодо жүк ташуучу унаанын айдоочусу унааны курчап турган адамдарды да сүзүүгө аракет кылганын көрүүгө болот.