Ресейдің ішкі істер министрі Владимир Колокольцев алдымен Тәжікстан президенті Эмомали Рахмонмен кездесіп, екі елдің құқық қорғау саласындағы өзара іс-қимыл мәселелерін талқылап, еңбек миграциясы және қауіпсіздік проблемаларын да сөз еткен.
Тәжікстан ІІМ ресми сайты елдің ішкі істер министрі Рамазон Рахимзоданың ресейлік әріптесімен кездесіп, қарым-қатынасты нығайту мәселесін талқылағаны жөнінде ақпарат берген.
Биыл наурызда Мәскеу түбіндегі "Крокус Сити Холл" концерт залында теракт болып, оны жасады деген күдікпен 12 тәжік азаматы ұсталған. Осыдан кейін Ресейде жұмыс істеп жүрген тәжік мигранттарына қысым күшейді.