Расмий маалыматка караганда, жолугушууда эки өлкөнүн ар тараптуу стратегиялык өнөктөштүк жана союздаштык мамилелерин бекемдөө, анын ичинде соода-экономикалык кызматташтыкты өнүктүрүү маселелери талкууланды.
Шавкат Мирзиёев менен Владимир Путин соода жүгүртүүнүн көлөмү көбөйгөнүн белгилешти.
"Жаз, жакында жай – былтыркыдай эле Өзбекстандан жашылча-жемиштерди күтүп жатабыз. Бул сиз үчүн да, биз үчүн да жакшы. Бул бааны бир калыпта кармап, анын көтөрүлүшүнө жол бербейт. Биз Өзбекстандан өнүмдөрдү сатып алуунун көлөмүн жылдан жылга көбөйтөбүз", - деди Орусиянын президенти.
"Бул эң сонун болмок", - деди Шавкат Мирзиёев.
"Аткарабыз", деди орус президенти.
9-майда Жогорку Евразиялык экономикалык кеңештин жыйынында сүйлөгөн Шавкат Мирзиёев Өзбекстандан Орусияга айыл чарба продукциясын тез жеткирүү боюнча Евразиялык Агроэкспресс долбоорун өнүктүрүүнүн маанилүүлүгүн белгиледи.