Әзім Ройдың өзі 2023 жылғы қарашадан бері іздеуде жүр. Қылмыстық іс дөкей Қамшы Көлбаев өлтірілгеннен кейін қозғалған. Сол кзеде арнайы қызмет Ройды Көлбаевтың «өкіл әкесі» деп атаған. Комитет мәліметінше, ол ұйымдасқан қылмыстық топты қаржыландырумен айналысқан.
Тергеу нұсқасына қарағанда, Көлбаев пен Рой екі компанияға құрылтайшы болып, Бішкекте коммерциялық ғимарат тұрғызған. Олар осы компаниядағы үлестерін туыстарына, солардың ішінде Ройдың әйелі Н.З.Х-ға рәсімдеген. Құрылтайшылар құрамында Литва азаматы К.Г. да бар. ҰҚМК оның Әзім Роймен байланысы бар деп есептейді.
Бұның алдында арнайы қызмет Әзім Рой Ресей азаматтығына ие екенін хабарлаған. Ал оның әйелі қай елдің азаматы екені әзірге белгісіз.