"Эркектерди коргой турган мыйзам керек деп ойлобойм. Жалпысынан жарандарыбызды, аялдарыбызды жана эркектерибизди коргогон тиешелүү нормалар бар. Биз азыр түрдүү кылмыштуу аракеттерге байланышкан жоопкерчиликти күчөтүп жатабыз. Ошондуктан үй-бүлөлүк зомбулукка каршы Сенатта талкууланып жаткан мыйзам кабыл алынгандан кийин абалды дагы карайбыз. Зарылчылык болсо тиешелүү чечимди кабыл алабыз", – деди Ашимбаев.
Парламентте аялдардын укуктарын жана балдардын коопсуздугун камсыз кылуу маселесине арналган өзгөртүүлөр талкууланып жатканда депутат Ермурат Бапи "эркектердин ролун көтөрүү үчүн" үй-бүлө башчысы тууралуу мыйзам кабыл алуу зарыл экенин билдирген. Анын бул сунушу кесиптештеринин арасында колдоо тапкан.
Эксперттер казак коомун жогорку патриархалдык коомдорго кошуп келишет. Укук коргоочулардын айтымында, Казакстанда аялдар турмуш-тиричилик деңгээлинде эркек-өнөктөштөрүнүн же туугандарынын психологиялык да, физикалык да зомбулугуна кабылышат.
Бүткүл дүйнөлүк экономикалык форумдун 2023-жылы июнда жарыяланган гендердик теңчилик тууралуу баяндамасында Казакстан 146 өлкөнүн ичинен 62-орунга жайгашкан.