Мекеме Кыргызстандын сапатты камсыздоо органдары шайкештикти баалоо боюнча документтерди текшерүүсүз жана мыйзам бузуулар менен беришет деп эсептейт. Комитет 2023-жылдын аягына карата Казакстанда 413, Кыргызстанда 43 сыноо лабораториясы болгонун, бирок 2022-2023-жылдары кыргыздар казактарга караганда көбүрөөк лицензия бергенин баса белгилейт.
"Казакстандын ыйгарым укуктуу органы бул маселени коңшу өлкөдөгү кесиптештеринин жана Евразия экономикалык комиссиянын алдында бир нече жолу көтөрүп, ар кандай өзгөртүүлөрдү сунуштаган. Бирок эч кандай чечим табылган жок. Ошол эле учурда бул маселени чечүүнү кечеңдетүү менен жарандардын өмүрүнө жана ден соолугуна, айлана-чөйрөнү коргоого, коркунуч жаралууда", - деп айтылат департаменттин документинде.
Казакстандын Техникалык жөнгө салуу жана метрология боюнча комитети 2024-жылдын 1-июлунан тартып ЕАЭБ KG (Кыргызстан) номурлары бар шайкештикти баалоо документтери менен коштолгон өнүмдөрдү Казакстанда жүгүртүүгө тыюу салууну сунуштоодо.
Кыргызстандын расмий органдары Казакстандын Техникалык жөнгө салуу жана метрология комитетинин токтом долбооруна комментарий бере элек.
Кыргызстан менен Казакстан ЕАЭБдин мүчөлөрү болуп саналат. Бул өлкөлөргө товарларды бажы төлөмүсүз ташып келүүгө жана транзитке мүмкүндүк берет. Бирок эки өлкө жакын болгонуна карабай, соода жүгүртүү төмөн бойдон калып келет. Маал-маалы менен кыргыз-казак чек арасында узундугу бир нече чакырымга созулган оор жүк ташуучу унаалардын кезектери пайда болуп, бир нече күн тыгын жаралган учурлар арбын.