“Толибон” бошқарувидаги Breshna ширкати вакили Ҳикматуллоҳ Мейванди тегишли маълумот билан бўлишди. Унинг сўзларига кўра, Ўзбекистон, Тожикистон, Туркманистон ва Эрон олдидаги қарзлар тўлиқ узилган. “Толибон” расмийси бу қарзлар Афғонистоннинг аввалги ҳукуматидан қолганини таъкидлади.
Афғонистон электр энергиясига бўлган эҳтиёжнинг катта қисмини қўшни давлатлар Эрон, Ўзбекистон ва Туркманистон орқали қоплайди. 2024 йилнинг январь ойи бошида Breshna ва Тожикистон ўртасида электр энергияси етказиб бериш бўйича шартнома узайтирилган.
2023-йил декабрь ойида "Ўзбекистон Миллий электр тармоқдари" акциядорлик жамияти Афғонистон миллий электр компанияси билан 2024-йилда электр энергияси етказиб бериш бўйича шартнома имзолаган эди.
2022-йилда Афғонистоннинг Ўзбекистон ва Тожикистондан импорт қилинадиган электр энергияси учун 100 миллион доллардан ортиқ қарзи борлиги ҳақида хабар қилинган эди.