Россия Тергов қўмитасининг билдиришича, JAC минивени ҳайдовчиси бўлган 1981 йилда туғилган шахс Москва томонга ҳаракатланиб кетаётган пайтда қарши йўналиш йўлига чиқиб кетган ва Volvo юк машинаси билан тўқнашган.
РИА Новости агентлигининг ёзишича, JAC минивени Ўзбекистон давлат авторақамига эга бўлган. Агентлик тўқнашувда икки киши жароҳатланганини, улардан бири ўлганини, иккинчиси эса оғир аҳволда касалхонага ётқизилганини билдирди.
Мазкур ҳодиса юзасидан Россия Жиноят Кодексининг 238 -моддаси 3-банди ( Истеъмолчилар хавфсизлиги ва соғлиғини таъминлаш талабига жавоб бермайдиган равишда хизмат кўрсатиш ва эҳтиётсизлик оқибатида икки ва ундан кўп одамларнинг ўлимига сабабчи бўлиш) асосида жиноят иши қўзғатилди.
Россиянинг Пенза вилояти Нижнеломовск туманида 11 январда юз берган автотўқнашувда ҳалок бўлган етти киши Ўзбекистон фуқароси бўлган. Бу ҳақда Нижнеломовск туманлараро прокурори Андрей Ярош маълум қилди.