Reuters агентлигининг билдиришича, Эрон шу кунларда 60 фоизгача бойитилган ураннинг учта атом бомбаси яратиш учун етарли бўлган заҳирасига ва келажакда уранни 90 фоизгача бойитиш имкониятига эга.
Теҳрон уранни бойитишдан мақсад атом бомбаси яратиш экани тўғрисидаги Ғарб билдирувларини инкор этиб келмоқда.
2015 йилда Эрон АҚШ, Россия, Хитой, Британия, Германия ва Франция билан ядровий дастурни тўхтатиш эвазига иқтисодий санкцияларни бекор қилиш тўғрисидаги шартномани имзолаган эди.
Шартномага асосан Теҳрон уранни тинч мақсадларда фойдаланиш учун 3,67% бойитиш ҳуқуқига эга бўлган. 2018 йилда АҚШ президенти Дональд Трамп Вашингтон шартномадан чиқишини билдирган эди. Шундан сўнг Эрон уранни бойитиш кўламини оширишини маълум қилган.
2021 йилда бу борада Венада Эрон билан ўтказилган музокаралар самарасиз якунланган. АҚШнинг амалдаги президенти Жо Байден муайян шартлар бажарилса, Вашингтон шартномага қайта қўшилишини билдирган.
Эрон бойитилган уран ишлаб чиқаришни кўпайтирди
![Халқаро атом энергияси бўийча агентлик раҳбари Рафаэль Гросси](https://gdb.rferl.org/facad9ec-0e43-4800-aa2b-b87d7057197c_w250_r1_s.jpg)
Эрон яна бойитилган уран ишлаб чиқаришни кўпайтирди, деб хабар берди Атом энергияси бўйича халқаро агентлик. Маълумотда қайд этилишича, ҳозирда Эрон ойига 9 кило бойитилган уран ишлаб чиқармоқда.