28 шілдедегі мәлімет бойынша, "Достық" гидроторабынан Сырдарияға 20 м³/с су түскен. Өзбек жағы өзенге құятын су көлемін 50 м³/с-қа дейін жеткізуді көздеп отыр.
Бұған қоса, сол күні Шарбақ су қоймасынан 290 м³/с-тан 310 м³/с-қа дейін су аққан. Алайда бұл су Сырдарияға жетпейді, өйткені оны Шыршық өзені бассейніндегі шаруашылық каналдары пайдаланады.
Шардара су қоймасы Түркістан облысында орналасқан. Қойма 1966 жылы салынған. Су қоймасының ұзақтығы 80 км, ені 25 км.
Бұған дейін хабарланғандай, Қазақстан Қырғызстан және Өзбекстанмен арадағы су келісімдерін қайта қарауы мүмкін. Құжат Сырдария су ресурсын пайдалануды реттейді.