Бу ҳақда хабар берган Hurriyet газетасининг ёзишича, чақалоқ баданининг катта қисми куйиб кетган ва унинг аҳволи оғир.
Хабарда айтилишича, Гўкҳан Йилмаз хотинини икки фарзанди билан ташлаб, Ўзбекистон фуқароси бўлган аёл билан шаърий никоҳда яшаб келган. Керзи Йилмаз улар яшаётган уйга бостириб кириб, аввал ўзбекистонлик аёл билан ёқалашган. Кейин эса чақалоққа кислота сепиб, қочиб кетган.
Полиция Керзи Йилмазни кўп ўтмай қўлга олган. Аммо у чақалоққа кислота сепмаганини ва бу ўзига нисбатан тухмат эканини айтмоқда.
Ҳодиса юзасидан тергов ишлари давом этмоқда.
Туркиянинг Денизли шаҳрида яшовчи 43 ёшли Гўкҳан Йилмазнинг хотини Керзи Йилмаз ўзбекистонлик кундошининг икки ойлик чақалоғига 18 апрель куни кислота сепиб юборди.