Ба гуфтаи вазир, ин тасмим "ба хотири коҳиши тафовути нархи сӯзишворӣ миёни Қазоқистон ва кишварҳои ҳамояаш" гирифта шудааст.
"Агар ҳоло фарқиятро аз байн набарем, пас дар ояндаи наздик ба камчинии саросарии сӯзишворӣ рӯ ба рӯ мешавем. Гузашта аз ин, арзонтар будани қимати сӯзишворӣ роҳҳои рушди ояндаи ин бахшро мебандад ва ба амнияти энержии кишвар таҳдид мекунад", - гуфт вазир.
Вай ҳамчунин афзуд, сарфи назар аз таъмиру таҷдид се корхонаи коркарди нафт ва афзоиши истихроҷи он дар соли гузашта, бархе аз минтақаҳои Қазоқистон камчинии сӯзишвории дизелиро эҳсос карданд. Ба гуфтаи вазир, Қазоқистон камбуди сӯзишвории дизелиашро бо қимати гаронтар аз хориҷ таъмин кардааст.