Қашқадарё вилояти прокуратураси маълумотига кўра, ҳолат юзасидан Қарши шаҳар прокуратураси томонидан Ўзбекистон Жиноят кодексининг 186-3-моддаси билан жиноят иши қўзғатилиб, дастлабки тергов ҳаракатлари олиб бориляпти.
Ўзбекистонда “Док-1 Макс” препаратини қабул қилгани ортидан 18 нафар бола нобуд бўлгани, қурбонлардан 15 нафарини ёши 3 га ҳам етмаган болалар ташкил этгани ҳақида Озодлик аввалроқ хабар қилган. Болалар ўлимига препарат таркибида мавжуд бўлган “этиленгликоль” моддаси сабаб бўлгани айтилмоқда.
Ҳодиса ортидан соғлиқни сақлаш вазири Беҳзод Мусаев қурбонларнинг ота-оналаридан узр сўраган ва бу ишга аралашган барча масъул ходимлар қонун олдида жавобгарликка тортилишини билдирган, ДХХ Тергов бошқармаси эса ҳолат юзасидан жиноят иши қўзғатган.
Ўзбекистонда “Док-1 Макс” ҳапдориси ва сиропи савдоси 2022 йил 22 декабридан вақтинча тўхтатилганини билдирилган.
Қашқадарё вилоятининг Деҳқонобод туманида 28 декабрь куни “Док-1 Макс” сиропини истеъмол қилиб келган 1,5 яшар болакай вафот этган. Бу билан мазкур препарат туфайли ҳаётдан кўз юмган болалар сони 19 нафарга етган.