Башкы прокурорлор АКШ Конституциясына ылайык, чет өлкөлүк инвестициядан пайдаланган мамлекеттик аткаминер глобалдык бизнес-империяны башкарууга акысы жок деп эсептешет.
Трамп январда активдерин уулдары башкарарын, бирок алар иштин жүрүшүнөн кабардар кылып турушарын билдирген. Көпчүлүк америкалыктар болсо президент кызыкчылыктардын кагылышуусунан оолак туруу үчүн бизнесин сатышы керек болчу деп эсептешет.
Колумбия окуругунун башкы прокурору Карл Рэйсин менен Мэриленд штатынын башкы прокурору Брайан Фрош Кошмо Штаттар үчүн кызмат кылган мамлекеттик чиновниктер Конгресстин макулдугусуз кайсы бир өлкөдөн, ханзаада же королдон белек, тартуу, сыйакы ала албайт деп эсептешет.
Республикачылар басымдуулук кылган АКШ Конгресси Трамптын бизнесин сатпоо тууралуу чечимине каршы чыккан эмес. Башкы прокурорлор президентти сотко берүү менен мамлекеттик бийлик бутактарындагы тең салмактуулукту сактоого тырышып жатышканын баса белгилешүүдө.