Бул тууралуу Кыргызстандын ЮНЕСКО иштери боюнча Улуттук комиссиясы маалымдады. «Айтыш» өнөрүн каттоо сунушу Казакстан менен чогу берилди.
30-ноябрдан 4-декабрга чейин Намибиянын Виндхук шаарында материалдык эмес маданий мурастарды коргоо боюнча ЮНЕСКОнун өкмөт аралык комитетинин жыйыны өтүүдө.
Бул жылы тез арада коргоого муктаж 8 арыз каралат. Ошондой эле адамзаттын материалдык эмес маданий мурастарынын катарына 35 сунушту киргизүү маселеси талкууланат. Кыргызстан аталган комитетке 2012-жылы төрт жылдык мөөнөт менен мүчө болгон.