Бірлескен жаттығу екі кезеңнен тұрады. Алғашқы кезеңі қазанның соңында Қытайдың Шыңжаң Ұйғыр автономиялық ауданындағы "Қорла" оқу орталығы базасында өткен. Онда екі ел әскерилері шекаралас аудандарды "шартты терроршылардан тазалап, олардың көзін жою" машығын жетілдірген деп хабарлайды министрлік.
Жаттығудың екінші кезеңі 5 қарашада Көктал полигонында жалғасты. Көршілес екі ел әскерилері бұл жолы "заңсыз қарулы құрылымдардың көзін жоюға" жаттығады.